நானே...! நானா...!

சிறு வயதில்

கோலங்கள் போடும்போது,

மணிகளால் பர்ஸ் செய்யும்போது,

துணிகளில் எம்ப்ராய்டரி செய்யும்போது

அம்மா சொல்வாங்க பெருமையாக

``எம்பொண்ணு ரொம்ப புத்திசாலி’’

சந்தோஷமாக இருந்தது.

* * * * * *


கம்ப்யூட்டரில் சந்தேகம்,

மகனிடம் கேட்டேன்.

வேகமாய் விளக்கினான்.

விளங்காமல் விழித்தேன்.

மகன் சொன்னான், கேலியாக,

``நீங்க ரொம்ப மண்டூவா இருக்கீங்கம்மா’’

இதுவும் சந்தோஷமாகத் தானிருக்கிறது.

* * * * * * *